7 fevral kuni Jizzax davlat pedagogika institutida O’zbekiston Respublikasi Prezidentining 2012 yil 10 dekabrdagi “Chet tillarni o’rganish tizimini yanada takomillashtirish chora-tadbirlari to’g’risida”gi PQ-1875 sonli Qarorida belgilangan vazifalar ijrosini ta’minlash, xorijiy tillarni o’qitish bo’yicha xalqaro standartlarga asoslangan milliy ta’lim tizimimizni rivojlantirish, chet tilini o’rganish va o’qitish tizimini yanada takomillashtirish maqsadida O’zbekiston Ingliz tili o’qituvchilari uyushmasi (UzTEA) tomonidan “Bilimni baholashning Umumevropa tizimi (CEFR) va uning O’zbekiston respublikasi ta’lim muassasalariga moslashtirilishi” mavzusida hududiy konferensiya o’tkazildi.
Hududiy konferensiyada Jizzax, Samarqand hamda Sirdaryo viloyatlari oliy ta’lim muassasalarining barcha ingliz tili o’qituvchilari ishtirok etishdi.
Konferensiyani Jizzax davlat pedagogika instituti rektori,professor O.Do’smatov kirish so’zi bilan ochib berdi va konferensiya ishiga omad tiladi.
Konferensiyada professor Muhammadjon Xolbekov va professor Bahodir Odilovning “Xorijiy tilni o’qitish — ijtimoiy-gumanitar fan sifatida” mavzusida, O’zbekiston ingliz tili o’qituvchilari uyushmasi rahbari F.Rashidova va professor M.Irisqulovning “O’zbekiston Respublikasi Prezidentining 2012 yil 10 dekabrdagi “Chet tillarni o’rganish tizimini yanada takomillashtirish chora-tadbirlari to’g’risida”gi PQ- 1875-sonli Qarorida belgilangan vazifalar ijrosini ta’minlanishi hamda uning uzluksiz ta’lim tizimidagi ahamiyati” mavzusidagi ma’ruzalari tinglandi.
Konferensiya ishida “Bilimni baholashning Umumevropa Tizimi (CEFR)”, “Informasion-aloqa texnologiya larining til o’qitish va o’rganishdagi ahamiyati”, “O’quv qo’llanma taqdimoti va uning qo’llanilishiga doir maslahatlar”, “Yosh bolalar uchun ingliz tili”, “V1 darajasi akademik liseylar va kasb- kunar kollejlari uchun o’quv qo’llanma”, “V2 darajasi oliy talim- muassasalarining nofilologik fakultetlari uchun o’quv qo’llanma”larining taqdimotlari o’tkazildi. Kunning ikkinchi yarmida konferensiya sho’balarga bo’lingan xolda davom ettirildi. Konferensiya barcha ishtirokchilarda katta ta’surot qoldirdi.